Të rinjtë në aksion: Bashkë kundër dhunës! 30 nëntor 2024; Gjimnazi “Kiril Pejçinoviq,” Tetovë
- Adrion
- Dec 5, 2024
- 2 min read
Shoqata për Arsim dhe Kulturë "Adrion," në bashkëpunim me Unionin e Nxënësve të Gjimnazit “Kiril Pejçinoviq,” organizoi një punëtori ndërgjegjësuese dhe interaktive me temën: "Njohja e dhunës dhe roli aktiv i të rinjve në parandalimin e saj."
Në punëtori morën pjesë nxënës të Gjimnazit të Tetovës dhe Shkollës së Mjekësisë, përfaqësues të Komunës së Tetovës nga sektori për arsim, psikologë, pedagogu i gjimnazit dhe një psikoterapist.
Ky aktivitet u zhvillua si pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare," i cili zbatohet nga Iniciativa Qytetare e Grave ANTIKO, Shkup, në bashkëpunim me Shoqatën Adrion dhe Shoqata “Gjithmonë Bashkëjetesë,” f. Kanatlarci – Prilep, me mbështetjen e qeverisë zvicerane përmes Civica Mobilitas.
Disa nga qëllimet e punëtorisë ishin:
Edukimi mbi format e ndryshme të dhunës dhe pasojat e saj në nivel individual e shoqëror.
Ndërgjegjësimi mbi rëndësinë e Konventës së Stambollit dhe mekanizmave mbrojtës.
Inkurajimi i të rinjve për të marrë rol aktiv në parandalimin e dhunës.
Punëtoria u karakterizua nga diskutime të gjalla dhe debate ndërmjet nxënësve mbi temat e trajtuara, duke përfshirë:
• Si mund të identifikojmë format më të fshehta të dhunës, si ajo psikologjike dhe ekonomike.
• Roli i të rinjve si agjentë të ndryshimit dhe avokatë të drejtësisë.
• Mënyrat për të ndihmuar viktimat e dhunës pa rrezikuar sigurinë personale.
Nxënësit ndanë përvoja dhe mendime personale, duke analizuar raste konkrete dhe duke sugjeruar hapa praktikë për parandalimin e dhunës.
Pjesëmarrësit dolën nga punëtoria më të informuar dhe të motivuar për të vepruar në komunitetet e tyre. Aktiviteti shërbeu si një platformë për të zhvilluar aftësi lidershipi dhe për të promovuar një mjedis më të sigurt dhe mbështetës për të rinjtë.
