ATA JANË PJESË E GRUPIT – NJË PASDITE ME GËZIM NË "WONDERLAND" 🎨

Adrion
Jun 16
2 min read

Më 23 maj 2025, nga ora 14:00 deri në 16:00, grupi joformal “Rinia e Zëshme” zhvilloi me përkushtim një aktivitet gjithëpërfshirës për fëmijët me nevoja të veçanta në hapësirën e lojërave “Wonderland” në Tetovë, në kuadër të projektit “Ata janë në grup”, fryt i trajnimit për programin e liderëve të rinj të organizuar në kuadër të projektit “Zëri dhe pjesëmarrja e grave dhe të rinjve në politikat vendimmarrëse për pjesëmarrje qytetare”, i udhëhequr nga Women Civic Initiative Antico, në partneritet me Shoqatën për Arsim dhe Kulturë Adrion dhe organizatën @Gjithmonë Bashkëjetesë.

👧🧒 Në këtë ngjarje morën pjesë 10 fëmijë me nevoja të veçanta, të shoqëruar nga prindërit apo kujdestarët e tyre. Vullnetarët e grupit “Rinia e Zëshme” u kujdesën për një ambient të sigurt, të ndjeshëm dhe përfshirës, duke sjellë shumë buzëqeshje dhe emocione pozitive.

🎭 Aktiviteti nisi me përshëndetje të ngrohtë dhe maskota të dashura që ndihmuan fëmijët të ambientohen dhe të ndihen të mirëpritur.

🎨 Më pas, ata u angazhuan në pikturë të lirë, vizatime kreative dhe pikturim në fytyrë, duke zhvilluar vetëbesimin, aftësitë motorike dhe ndjenjën e përkatësisë.

Një tjetër moment emocionues ishte përgatitja e picave, ku fëmijët, me ndihmën e një kuzhinieri dhe vullnetarëve, krijuan recetat e tyre dhe mësuan për ushqimin në mënyrë argëtuese.

🫧 Spektakli me flluska sapuni, loja në rërë dhe kërcimi me muzikë sollën gëzim të papërshkrueshëm dhe ishin një mënyrë e mrekullueshme për të shprehur lirinë dhe kreativitetin.

🎁 Në fund, çdo fëmijë mori një dhuratë simbolike si kujtim i kësaj dite të veçantë.

Ky aktivitet solli jo vetëm argëtim, por edhe një mesazh të fuqishëm: çdo fëmijë meriton të dëgjohet, të përfshihet dhe të rritet në një ambient të dashur dhe të sigurt.