KU JANË NXËNËSIT SOT? – Zëri i të rinjve për arsim më të mirë!
- Adrion
- Jun 16
- 1 min read
Grupi formal i të rinjve Nimbus, i trajnuar në kuadër të Programit për Liderë në Rajonin e Pollogut, ka ndërmarrë një nismë domethënëse për të ngritur zërin e nxënësve dhe për të nxitur ndryshime reale në arsim!
🔍 Sesioni i parë (15–22 prill): Hulumtimi
U realizua një anketë mes nxënësve për të identifikuar sfidat në shkolla: bulizmi, mungesa e përfshirjes, infrastruktura e dobët dhe mbështetja e pamjaftueshme nga mësuesit.
📊 Sesioni i dytë (22 prill – 8 maj): Analiza dhe Platforma
Pas analizës së të dhënave, u hartua një dokument me kërkesa konkrete për reforma në arsim, ndërkohë që u planifikua një fushatë mediatike për ndërgjegjësim.
🗣️ Sesioni i tretë (9 maj): Paneli Publik në UEJL
Nxënësit ngritën zërin para prindërve, mësuesve dhe përfaqësuesve institucionalë, duke diskutuar hapur për problemet në sistemin arsimor dhe nevojën për ndryshime të qëndrueshme.
📈 Sesioni i katërt (maj–korrik): Monitorimi dhe Ndjekja
Po monitorohet zbatimi i rekomandimeve, ndërkohë që përgatitet një raport për rezultatet e arritura.
🎯 Ky projekt synon fuqizimin e të rinjve, zhvillimin e aftësive lidershipi, dhe pjesëmarrjen aktive në jetën shoqërore.
👏 Të rinjtë e Nimbus po tregojnë se ndryshimi fillon nga ata vetë!
Ky aktivitet është pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare", i cili zbatohet nga Women Civic Initiative Antico, në bashkëpunim me Adrion dhe @Секогаш Соживот- Her Zaman Birlikte Yaşamа, me mbështetjen e qeverisë zvicerane përmes Civica Mobilitas
