Të rinjtë ndërmarrin iniciativa për përmirësimin e komunitetit: Prezantimi i projekteve kreative në diten e tretë të punëtorisë

Më 21 gusht 2024, përfundoi me sukses dita e tretë dhe përfundimtare e punëtorisë online me temë "Rrjetëzimi, krijimi i mundësive për ndërveprim dhe ndërtimi i marrëdhënieve."

Të rinjtë nga Tetova, Kumanova, Struga dhe Manastiri prezantuan me krenari aktivitetet që kishin planifikuar dhe realizuar një ditë më parë, duke treguar përkushtimin e tyre ndaj përmirësimit të komuniteteve të tyre.

• Në Kumanovë, të rinjtë organizuan një punëtori për zgjerimin e rrjetit social, ku diskutuan mbi rëndësinë e socializimit të të rinjve dhe mënyrat për të proklamuar idetë e tyre për pjesëmarrje në aktivitete të ardhshme.

• Në Strugë, me mbështetjen e Shoqatës KAB STRUGA, të rinjtë organizuan një debat me temë mbi ekologjinë, ku u zotuan se në të ardhmen do të veprojnë vullnetarisht për pastrimin e qytetit.

• Ne Tetovë të rinjët inicuan një projekt filmik me temë: Shendeti i të rinjeve: Pasojat e perdorimit të substancave te varshmërisë!

• Në Manastir, nxënësit e shkollës së mesme vizituan shtëpinë ku u mblodh Kongresi i Manastirit dhe u njohën me historinë e alfabetit shqip. Ata planifikojnë të shpalosin idetë e tyre në një ekspozitë që do të organizohet në shkollat e tyre.

Këto aktivitete janë vetëm fillimi i angazhimit të të rinjve për t’i shërbyer komunitetit dhe për të ndërtuar një të ardhme më të mirë për të gjithë.

Kjo punëtori ishte pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare," i cili është zbatuar nga Iniciativa Qytetare e Grave ANTIKO, Shkup, në bashkëpunim me Shoqatën Për Arsim dhe Kulturë ADRION dhe partnerë të tjerë, me mbështetjen e qeverisë zvicerane përmes Civica Mobilitas.