Punëtoria online "Fuqia e Vullnetarizmit: Rrjetëzimi, krijimi i mundësive për ndërveprim dhe ndërtimi i marrëdhënieve"

Shoqata për Arsim dhe Kulturë Adrion organizoi punëtorinë online "Fuqia e Vullnetarizmit: Rrjetëzimi, krijimi i mundësive për ndërveprim dhe ndërtimi i marrëdhënieve".

Sot, më 19 gusht 2024, Shoqata për Arsim dhe Kulturë Adrion zhvilloi ditën e parë të punëtorisë online me temë "Fuqia e Vullnetarizmit."

Në këtë aktivitet morën pjesë të rinj nga Kumanova, Tetova, Struga dhe Manastiri. Punëtoria është pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare," i cili zbatohet nga Iniciativa Qytetare e Grave ANTIKO, Shkup, në bashkëpunim me Shoqatën Adrion dhe partnerë të tjerë, me mbështetjen e qeverisë zvicerane përmes Civica Mobilitas.

Pjesëmarrësit u angazhuan në diskutime dhe aktivitete praktike për zhvillimin e aftësive të rrjetëzimit dhe krijimin e marrëdhënieve të qëndrueshme.

Në pjesën e dytë të punëtorisë, ata morën përsipër të realizojnë aktivitete në komunitetet e tyre, të cilat do t’i prezantojnë në ditën e tretë të punëtorisë.