PROGRAMI PËR LIDER – Trajnimi me të rinjtë e Rajonit të Jugperëndimit në Strugë
- Adrion
- Jun 16
- 1 min read
Më 15, 16, 22 dhe 23 mars 2025, në qytetin e Strugës, u organizua trajnimi katër-ditor për të rinjtë e Rajonit të Jugperëndimit në kuadër të Programit për Lider. Ky program synon të fuqizojë të rinjtë me aftësi lidershipi, strategji bashkëpunimi dhe përfshirje aktive në shoqëri.
Në trajnim morën pjesë 10 nxënës të shkollave të mesme nga komuna të ndryshme të Rajonit të Jugperëndimit, të cilët u angazhuan në një seri sesioneve interaktive për të zhvilluar aftësitë e tyre në komunikim, bashkëpunim ndër-sektorial, planifikim strategjik dhe menaxhim të projekteve komunitare.
🎯 Në fund të trajnimit, pjesëmarrësit ndanë reflektime mbi mësimet e nxjerra dhe strategjitë që planifikojnë të zbatojnë në komunitetin e tyre.
Ky aktivitet është pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare", i cili zbatohet nga Women Civic Initiative Antico, në bashkëpunim me Adrion dhe Секогаш Соживот- Her Zaman Birlikte Yaşamа, me mbështetjen e qeverisë zvicerane përmes Civica Mobilitas.
📢 Ky trajnim ishte një hap i rëndësishëm drejt fuqizimit të të rinjve për të qenë liderë aktivë dhe kontribuues në shoqërinë e tyre!
