PROGRAMI PËR LIDER – Trajnimi me të rinjtë e Pollogut 🎯
- Adrion
- Jun 16
- 2 min read
📅 22-23 Shkurt 2025, dita e tretë dhe e katërt
📍 Hotel Liraku, Tetovë
Në kuadër të Programit për Lider, më 22 dhe 23 shkurt 2025, në sallën e konferencave të Hotel Lirakut në Tetovë, u zhvillua dita e tretë dhe e katërt e trajnimit me të rinjtë nga rajoni i Pollogut. Pjesëmarrës ishin 10 nxënës të shkollave të mesme nga Komuna e Tetovës, Tearca dhe Bogovina, të cilët vijuan punën e nisur në sesionin e parë, duke thelluar aftësitë e tyre për lidershipin, komunikimin dhe bashkëpunimin ndër-sektorial.
🔹 Dita 3: Zhvillimi i projekteve dhe menaxhimi i resurseve
Pjesëmarrësit u angazhuan në një program intensiv për të identifikuar problemet kryesore në komunitetet e tyre dhe për të ndërtuar projekte të strukturuara që sjellin ndryshim. Me metodën "Druri i Problemeve", ata analizuan sfidat, përcaktuan qëllimet përmes "Drurit të Qëllimeve", dhe planifikuan resurset e nevojshme për implementimin e projekteve.
✅ Rezultate të arritura:
🔹 Identifikimi i problemeve kryesore në komunitet.
🔹 Krijimi i planeve konkrete me objektiva të qarta.
🔹 Përdorimi i metodave strategjike për matjen e suksesit me tregues SMART.
🔹 Dita 4: Modalitetet e bashkëpunimit dhe praktikat pozitive
Këto ditë u fokusuan në forcimin e partneriteteve ndër-sektoriale, përfshirjen e grupeve të margjinalizuara dhe krijimin e një mjedisi të qëndrueshëm për bashkëpunimin. Pjesëmarrësit ndanë ide për praktika pozitive dhe ndërtuan një plan veprimi për ruajtjen e këtyre bashkëpunimeve në të ardhmen.
📜 Në përmbyllje, pjesëmarrësit ndanë reflektime mbi mësimet e nxjerra gjatë këtyre katër ditëve.
Ky aktivitet është pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare", i cili zbatohet nga Women Civic Initiative Antico, në bashkëpunim me Adrion dhe Секогаш Соживот- Her Zaman Birlikte Yaşamа, me mbështetjen e qeverisë zvicerane përmes Civica Mobilitas
