PROGRAMI PER LIDER

Dita e parë e trajnimit me të rinjtë e rajonit të Pollogut

Më 15 shkurt 2025, në sallën e konferencave të Hotel Lirakut në Tetovë u zhvillua dita e parë e trajnimit me të rinjtë nga rajoni i Pollogut. Në këtë aktivitet morën pjesë 10 nxënës të shkollave të mesme nga Komuna e Tetovës, si dhe nga komunat e Tearcës dhe Bogovinës.

Dita e parë e trajnimit kishte në fokus bazat e bashkëpunimit dhe aftësitë e komunikimit, duke përfshirë një seri sesionesh interaktive:

 Hapja dhe njohja me pjesëmarrësit – Trajnimi nisi me prezantimin e të rinjve, ndarjen e pritshmërive të tyre dhe një ushtrim energjizues për të krijuar një atmosferë bashkëpunuese.

 Hyrje në konceptin e bashkëpunimit ndër-sektorial – Pjesëmarrësit diskutuan mbi rëndësinë dhe përfitimet e bashkëpunimit mes sektorëve të ndryshëm, duke analizuar shembuj praktikë.

 Komunikimi efektiv në procese bashkëpunuese – Përmes ushtrimeve praktike, të rinjtë mësuan mbi ndërtimin e marrëdhënieve dhe përdorimin e mjeteve efektive të komunikimit.

 Aftësitë e prezantimit – Pjesëmarrësit zhvilluan aftësitë e tyre të prezantimit përmes sesioneve praktike dhe analizave konstruktive.

 Ndjenja për barazi dhe drejtësi – Përmes diskutimeve mbi raste praktike, pjesëmarrësit u angazhuan në zhvillimin e qasjeve inkluzive për një komunitet më të drejtë dhe të barabartë.

Ky aktivitet është pjesë e projektit partner "Zëri dhe pjesëmarrja e grave dhe të rinjve në: Krijimin e politikave publike dhe krijimin e një mjedisi të favorshëm për pjesëmarrjen qytetare," i cili zbatohet nga Women Civic Initiative Antico, në bashkëpunim me Adrion dhe Shoqatën Секогаш Соживот- Her Zaman Birlikte Yaşamа, me mbështetjen e qeverisë zvicerane përmes Civica Mobilitas.

 Trajnimi do të vazhdojë në ditët në vijim me tema të tjera kyçe për fuqizimin e të rinjve dhe përfshirjen e tyre aktive në shoqëri.