Моќта на волонтеризмот: Успешната работилница која ги промени перспективите на младите во Куманово
- Jul 4, 2024
- 1 min read
На 02.07.2024 во Центарот на заедницата во Куманово се одржа инспиративна работилница на тема „Моќта на волонтерството: Промената започнува од тебе“. Оваа активност ја организираше Здружението за образование и култура „Адрион“ во партнерство со ЗГИ „Антико“ и во соработка со активистот Ајлинд Џемаили. Учествуваа средношколци и студенти.
Активноста се реализираше во рамките на партнерскиот проект „Глас и учество на жените и младите во: Креирање јавни политики и создавање поволна средина за граѓанско учество“, кој го спроведуваат Женската граѓанска иницијатива АНТИКО, Скопје и проектните партнери Здружение за образование и култура АДРИОН, Желина и Здружение „Секогаш соживот“, стр. Канатларци – Прилеп. Проектот е поддржан од швајцарската влада преку Цивика мобилитас.
Целите на работилницата беа да се подигне свеста кај младите за важноста на волонтирањето, да се поттикне активно учество, да се развијат вештини и да се создаде мрежа за поддршка меѓу нив.
За време на работилницата, учесниците имаа можност да слушнат успешни приказни, да учествуваат во практични активности и да ги споделат своите искуства. Оваа активност резултираше со зголемена свест и интерес за волонтирање, развој на нови вештини и креирање конкретни планови за понатамошно ангажирање во волонтерски проекти.
Им благодариме на сите учесници и партнери за нивната посветеност и придонес. Заедно, можеме да направиме разлика!
